DÜNYA


İndoneziya Prezidenti “Nanggala” sualtı qayığının ekipaj üzvlərinin həlak olduğunu elan edib

Bakı, 25 aprel, AZƏRTAC

İndoneziya Prezidenti Coko Vidodo bir neçə gün öncə itmiş “KRI Nanggala 402” sualtı qayığının Bali dənizində batdığını, heyət üzvlərinin həlak olduğunu elan edib.

AZƏRTAC “Reuters” agentliyinə istinadla xəbər verir ki, bu barədə prezident jurnalistlərə müsahibəsində bildirib. Coko Vidodo, həmçinin ekipaj üzvlərinin ailələrinə başsağlığı verib.

Qeyd edək ki, aprelin 21-də Bali adası yaxınlığında keçirilən təlimlərin gedişində İndoneziya Hərbi Dəniz Qüvvələrinə məxsus sualtı qayıqla rabitə əlaqəsi kəsilib. Hadisə zamanı sualtı qayığın göyərtəsində 53 nəfər olub.

Axtarış işlərinə İndoneziya Hərbi Dəniz Qüvvələrinin 18 gəmisi, polis orqanlarının və Milli Xilasetmə Xidmətinin 7 qayığı cəlb edilmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.