RƏSMİ SƏNƏDLƏR
İndoneziya Respublikasının vitse-prezidenti M.Yusuf Kalladan
Azərbaycan Respublikasının Birinci vitse-prezidenti xanım Mehriban Əliyevaya
Zati-aliləri,
Azərbaycan Respublikasının Birinci vitse-prezidenti vəzifəsinə təyin olunmağınız münasibətilə Sizi səmimi qəlbdən təbrik edirəm. Əmin olduğumu bildirmək istəyirəm ki, Sizin yeni vəzifəyə təyin edilməyiniz İndoneziya və Azərbaycan arasında mövcud dostluq münasibətlərinin hər iki xalqın rifahı üçün daha da genişlənəcəyi və möhkəmlənəcəyi işinə töhfələr verəcək.
Sizə yüksək dövləti vəzifədə uğurlar diləyirəm. Xahiş edirəm, mənim ən dərin ehtiramımı qəbul edəsiniz.
Hörmətlə,
M.Yusuf Kalla
İndoneziya Respublikasının vitse-prezidenti.