DÜNYA


İndoneziya sahillərində güclü zəlzələ olub

Tokio, 7 yanvar, AZƏRTAC 

İndoneziyanın Halmahera adası yaxınlığında 6,6 bal gücündə zəlzələ baş verib.

AZƏRTAC xəbər verir ki, bu barədə ABŞ Geoloji Xidməti məlumat yayıb.

Geoloji Xidmət əvvəlcə zəlzələnin 7 bal gücündə olduğunu bildirib.

Yeraltı təkanların episentri Şimali Maluku əyalətinin Tobelo şəhərindən 151 kilometr qərbdə, ocağı 60,6 kilometr dərinlikdə yerləşib. Bunun ardınca həmin ərazidə dörd saat ərzində 4,7-dən 5,2 baladək gücündə daha yeddi təkan qeydə alınıb.

Dağıntılar və zərərçəkənlər barədə məlumat verilmir. Sunami xəbərdarlığı elan olunmayıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.