DÜNYA


İndoneziya və ABŞ Cənub Şərqi Çin dənizində əməkdaşlığı gücləndirmək barədə razılığa gəliblər

Tokio, 30 oktyabr, AZƏRTAC

İndoneziya və ABŞ Cənub Şərqi Çin dənizində yerləşən İndoneziyaya məxsus adaların inkişafı barədə razılıq əldə ediblər. Bu addımın həmin əraziyə iddialı olan Çinə qarşı yönəldiyi bildirilir.

AZƏRTAC xəbər verir ki, bu barədə razılaşma ABŞ Dövlət katibi Mayk Pompeo ilə İndoneziyanın Xarici İşlər naziri xanım Retno Marsudi arasında Cakartada keçirilən görüş zamanı əldə edilib.

Bildirilir ki, görüşdə Cənub Şərqi Çin dənizində vəziyyət müzakirə olunub. İndoneziyanın Natuna adaları rayonunda məxsusi iqtisadi zona yaratdığı və burada Çin ilə ərazi müzakirələri apardığı qeyd edilir.

Görüş zamanı Retno Marsudi bildirib ki, Cənub-Şərqi Çin dənizində sabitlik və sülh qorunmalı, BMT-nin Dəniz hüququ üzrə Konvensiyasına hörmətlə yanaşılmalıdır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.