DÜNYA


İndoneziyada karaoke klubunda baş verən yanğın nəticəsində 19 nəfər həlak olub

Bakı, 25 yanvar, AZƏRTAC

İndoneziyanın Qərbi Papua əyalətində gənclər arasında baş verən münaqişədən sonra karaoke klubunun yandırılması nəticəsində azı 19 nəfər ölüb.

AZƏRTAC “CNN”ə istinadla xəbər verir ki, səhər saatlarında karaoke klubunda baş verən davada 1 nəfər bıçaqlanıb. Sonra klub yandırılıb və nəticədə daha 18 nəfər həlak olub.

Əyalət polisinin sözçüsü Adam Ervini gənclər arasında bu cür hadisələrin tez-tez baş verdiyini, lakin indiyədək bu qədər itkinin olmadığını bildirib. O, əyləncə məkanında baş verən ölümcül insidentin hələ də araşdırıldığını və ölənlərin sayının artıb-artmayacağının hələlik bilinmədiyini deyib.

Münaqişənin qonşu Maluku adasından olan iki rəqib qruplaşma arasında baş verdiyi qeyd edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.