DÜNYA


İndoneziyanın Şərqi Yava əyalətində yerləşən ən hündür vulkan püskürüb

Tokio, 17 yanvar, AZƏRTAC 

İndoneziyanın Şərqi Yava əyalətində Semeru dağında yerləşən vulkan yerli vaxtla saat 17:44 dəqiqədə püskürüb.

AZƏRTAC İndoneziya Təbii Fəlakətlərlə Mübarizə Milli Agentliyinə istinadla xəbər verir ki, hündürlüyü 3676 metr olan dağ ikinci dərəcəli təhlükə zonası elan edilib. İndoneziya Vulkanologiya Xidməti hazırda püskürmənin səviyyəsini qiymətləndirir.

Yaxınlıqdakı Desa Sumber Mucur və Desa Kura Koboan rayonlarının sakinlərinə ehtiyatlı olmaq və dağa yaxınlaşmamaq tapşırılıb.

İndoneziya Vulkanologiya Xidmətinin məlumatına görə, hazırda ölkədə 70-dən çox fəal vulkan var və onlardan yeddisi son iki ildə püskürüb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.