DÜNYA


İndoneziyanın Sinabunq vulkanı 1000 metr hündürlüyə kül püskürüb

Tokio, 26 aprel, AZƏRTAC

İndoneziyanın Sumatra adasının şimalında yerləşən Sinabunq vulkanı 1000 metr hündürlüyə kül püskürüb.

AZƏRTAC İndoneziya KİV-lərinə istinadla xəbər verir ki, bu barədə İndoneziya Vulkanologiya Mərkəzi məlumat yayıb. Bildirilir ki, yerli vaxtla gecə saat 01:55 dəqiqədə baş verən püskürmə 175 saniyə davam edib. Həmin gecə saat 01:44 dəqiqədə baş verən birinci püskürmə zamanı isə vulkan 500 metr hündürlüyə kül püskürüb.

Vulkanın kraterindən 3 kilometr məsafədə yerləşən kəndlərin sakinlərinə təsərrüfat fəaliyyəti ilə məşğul olmaq qadağan edilib. Həmçinin yerli sakinlərə mənbəyini Sinabunq dağından götürən çaylardan uzaq olmaq tövsiyə edilib.

Əhalini ehtiyatlı davranmağa çağıran yerli hakimiyyət orqanları onlara evdən çıxarkən tibbi maskalar taxmağı tövsiyə edib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.