ELM VƏ TƏHSİL


İngilis dili müəllimləri üçün növbəti təlimlərə başlanılıb

Bakı, 5 dekabr, AZƏRTAC

“Azərbaycan universitetlərində öyrənmə və təlimin təkmilləşdirilməsi” (PETRA) layihəsi çərçivəsində yaradılmış Təlim-Tədris və Resurs Mərkəzi ingilis dili müəllimləri üçün növbəti təlimlərə başlayıb.

ABŞ Dövlət Departamentinin maliyyələşdirdiyi “İngilis dili təqaüdü proqramı (El-Fellow)” çərçivəsində ölkəmizdə çalışan mütəxəssis Emi Jupikov Azərbaycan Dövlət Pedaqoji Universitetində (ADPU) “İngilis dili dərslərində qrup işindən istifadə” mövzusunda təlim keçib.

ADPU-dan AZƏRTAC-a bildirilib ki, layihənin əsas məqsədi Azərbaycanın ali təhsil müəssisələrində tədris və təlimin təkmilləşdirilməsi sahəsində Avropa universitetləri ilə qarşılıqlı təcrübə mübadiləsinin aparılmasıdır. Layihənin benefisiarları doktorantura səviyyəsində təhsil alan tələbələr, tədqiqatçılar, professor-müəllim heyətidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.