İDMAN


İngiltərə Premyer Liqası: “Liverpul” doğma meydanda “Kardiff”i 4:1 hesabı ilə məğlub edib

Bakı, 27 oktyabr, Nicat Məmmədov, AZƏRTAC 

Oktyabrın 27-də İngiltərə Premyer Liqasının 10-cu turuna start verilib.

AZƏRTAC xəbər verir ki, turun maraq doğuran oyunu “Enfild” stadionunda keçirilib.

“Liverpul” doğma meydanda “Kardiff”i qəbul edib. Qarşılaşmanın favoriti sayılan “Liverpul” ilk dəqiqələrdən rəqibin qapısı qarşısında bir neçə təhlükəli vəziyyət yaradıb. Onuncu dəqiqədə “Kardiff” müdafiədə səhvə yol verib. Topa birinci yetişən Məhəmməd Salah rəqibin səhvini bağışlamayıb - 1:0. Birinci hissə bu hesabla başa çatıb.

Fasilədən sonra 66-ci dəqiqədə meydan sahibləri hesab arasındaki fərqi iki topa çatdırıb. Sadio Mane adını tabloya yazdırıb - 2:0. Matçın 77-ci dəqiqəsində “Fulhem” qollardan birinin əvəzini çıxıb. Kallum Paterson fərqlənib - 2:1. Qarşılaşmanın 84-cü və 87-ci dəqiqələrində “Liverpul” ardıcıl iki top vuraraq oyunda son hesabı müəyyən edib - 4:1. Qalan dəqiqələrdə hər iki komandaların cəhdlərinə baxmayaraq hesab dəyişməyib.

Bu gün keçirilən turun digər oyunlarında aşağıdakı nəticələr qeydə alınıb:

“Brayton” – “Volverhampton” - 1:0

“Fulhem” – “Bournemouth” - 0:3

“Sothampton” – “Nyukasl” - 0:0

“Votford” – “Haddersfild” - 3:0.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.