İDMAN


İngiltərə Premyer Liqası: “Mançester Siti” Rahim Sterlinqin sayəsində “Vatford”u məğlub edib

Bakı, 10 mart, Nicat Məmmədov, AZƏRTAC

Futbol üzrə İngiltərə Premyer Liqasının XXX turunun növbəti oyunları keçirilib.

AZƏRTAC xəbər verir ki, turnir cədvəlinin hazırkı lideri “Manşester Siti” doğma azarkeşlər önündə “Vatford” komandasını qəbul edib.

Görüş şəhərlilərin 3:1 hesablı qələbəsi ilə başa çatıb. Pep Qvardiolanın yetirmələrinin heyətində hər üç qolu Rahim Sterlinq (46, 50, 59) vurub. Qonaqların isə yeganə qoluna Gerard Delafeo (66) imza atıb.

Bu qələbədən sonra xalların sayını 74-ə çatdıran “Mançester Siti” turnir cədvəlində liderliyi davam etdirir, “Vatford” isə 43 xalla 8-ci yerdə qərarlaşıb.

Premyer Liqanın iddialı komandalarından sayılan “Tottenhem” səfərdə “Southemton”a gözlənilmədən məğlub olub - 2:1.

Turun digər oyunlarının nəticələrini təqdim edirik:

“Kristal Palas” – “Brayton” - 1:2;

“Kardiff Siti” – “Vest Ham” - 2:0;

“Haddersfild” – “Bormunt” - 0:2;

“Lester Siti” – “Fulhem” - 3:1;

“Nyukasl” – “Everton” - 3:2.

Qeyd edək ki, tura martın 10-da “Liverpul” – “Börnli”, “Çelsi” – “Volverhemton”, “Arsenal” – “Mançester Yunayted” oyunları ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.