İDMAN


İngiltərə Premyer Liqası: “Mançester Siti” komandası ilk oyunda səfərdə böyük hesablı qələbə qazanıb

Bakı, 10 avqust, AZƏRTAC

Avqustun 10-da futbol üzrə İngiltərə Premyer Liqasının sonuncu çempionu “Mançester Siti” komandası cari mövsümdə ilk oyunda səfərdə “Uest Hem” ilə üz-üzə gəlib.

AZƏRTAC xəbər verir ki, görüş qonaqların böyük hesablı qələbəsi ilə başa çatıb - 0:5. “Şəhərlilər”in hücumçusu Rahim Sterlinq yeni mövsümə het-triklə başlayıb. Qabriel Jesusun 25-ci dəqiqədə hesabı açdığı görüşdə Rahim Sterlinq 51-ci, 75-ci və 90-cı dəqiqələrdə rəqib qapısına yol tapıb. Digər qolu isə meydana yeni daxil olan Serxio Aqüero 86-cı dəqiqədə 11 metrlik cərimə zərbəsindən vurub.

Xatırladaq ki, “Mançester Siti”nin əsas rəqiblərindən olan “Liverpul” Premyer Liqanın açılış görüşündə doğma meydanda “Norviç” klubuna 4:1 hesabı ilə qalib gəlib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.