DÜNYA


İngiltərə hökuməti Gürcüstanı “qırmızı zona” siyahısına daxil edib

Tbilisi, 5 avqust, AZƏRTAC

İngiltərənin Nəqliyyat Nazirliyi, koronavirus pandemiyası ilə mübarizə çərçivəsində hazırladığı və "işıqfor sistemi" adlandırdığı səyahət siyahısını yeniləyib.

AZƏRTAC xəbər verir ki, bu barədə "Euronews" məlumat yayıb.

Məlumata əsasən, İngiltərənin “qırmızı zona” tətbiq etdiyi ölkələr sırasına Gürcüstan da daxil edilib. Gürcüstandan əlavə Meksika, Reunion adası və Mayotte adası da İngiltərənin “sarı siyahısı”ndan çıxarılaraq “qırmızı siyahı”ya salınıb.

Qeyd olunub ki, səyahət siyahısına edilən dəyişiklik avqustun 8-dən qüvvəyə minəcək.

İngiltərə hökumətinin qərarına görə, “qırmızı siyahı”ya daxil olan ölkələrdən gələnlərin öz hesablarına hava limanının yaxınlığındakı otellərdə 10 gün karantində qalmaları tələb olunur.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.