ELM VƏ TƏHSİL


İnkişaf planı təqdim olunmuş məktəblərin ibtidai sinif müəllimləri üçün təlimlər başlanıb

Bakı, 20 iyun, AZƏRTAC

Təhsil İnstitutunun Metodik dəstək və peşəkar inkişaf mərkəzi inkişaf planı təqdim olunmuş 10 tam orta məktəbin ibtidai sinif müəllimləri üçün təlimlərə start verib.

İnstitutdan AZƏRTAC-a bildirilib ki, təlimlərin məqsədi ibtidai sinif müəllimlərinin ehtiyaclarına uyğun olaraq onlara metodik dəstəyin göstərilməsidir. Təlimlərdə ilkin olaraq 38, 227, 173, 301 və 75 nömrəli tam orta məktəblərin ibtidai sinif müəllimləri iştirak ediblər.

Müəllimlərə “Azərbaycan dili dərslərində kommunikativ bacarıqların inkişafı”, “Müxtəlif tipli məsələlərin həlli” mövzularında təlimlər keçirilib. Təlimçi qismində isə Bakı Avropa Liseyinin müəllimi Pərvinə Qədimova və 20 nömrəli məktəb-liseyin təlim-tərbiyə işləri üzrə direktor müavini Gülüstan Vəliyeva çıxış ediblər. Təlim zamanı iştirakçılar adıçəkilən mövzular üzrə müzakirələr aparıb, müvafiq tapşırıqlara uyğun qrup işlərini həyata keçiriblər.

Qeyd edək ki, ibtidai sinif müəllimlərinə Azərbaycan dili, riyaziyyat, metodika və pedaqogikadan təlimlərin keçirilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.