DÜNYA


İnsan saçlarından yeni maye gübrə hazırlanıb

Bakı, 15 sentyabr, AZƏRTAC

Hindistanın Kerala Kənd Təsərrüfatı Universitetinin alimləri insan saçlarından ətraf mühit üçün zərərsiz maye gübrə hazırlayıblar.

AZƏRTAC Azərbaycan Milli Elmlər Akademiyasının saytına istinadla xəbər verir ki, ilkin çöl tədqiqatları zamanı müsbət nəticələr əldə edilib. Xammal qismində yerli bərbərxanalardan əldə edilən saçlar yuyulduqdan sonra qızdırılaraq tünd substansiya vəziyyətinə çatdırılıb. Aparılan analizlər insan saçlarının azot, fosfor, kalium, kalsium, maqnezium və kükürdlə zəngin olduğunu göstərib.

Tədqiqatlar zamanı saçlardan hazırlanmış mayenin sintetik gübrələrlə müqayisədə bitkiləri daha tez inkişaf etdirdiyi məlum olub. Yeni gübrə növü kimyəvi gübrələrdən istifadəni azaldacaq, həmçinin Hindistanın sutəmizləyici sistemlərində ciddi problemlərə səbəb olan insan saçlarının utilizasiyasına imkan yaradacaq.

Yeni gübrənin hazırlanmasında insan saçları ilə yanaşı, heyvandarlıq tullantılarından – lələk, yun və buynuzlardan da istifadə edilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.