DÜNYA


“Instagram” sosial şəbəkəsində yeni funksiya istifadəyə verilib

Bakı, 23 iyul, AZƏRTAC

İndi "Instagram" istifadəçiləri onlaynda olan dostlarını görə biləcəklər. Bu haqda mobil proqramın rəsmi bloqunda məlumat verilib.

AZƏRTAC "ria.ru" saytına istinadla xəbər verir ki, mobil proqramın yeni versiyasında internetdə olan istifadəçilər "Facebook" messencerində olduğu kimi yaşıl nöqtə ilə işarələnib. Yalnız dostlar siyahısında olan, yaxud yazışma aparılmış istifadəçinin statusunu görmək mümkündür.

İstəkdən asılı olaraq aktiv statusu gizlətmək mümkündür.

Bundan əvvəl "Instagram"da yalnız "Direct" bölməsində onlaynda olan dostları görmək mümkün idi.

"Instagram" foto və videolar çəkməyə, onlara filtrlər tətbiq etməyə və paylaşmağa imkan verən sosial şəbəkə elementlərinə malik proqramdır. Messencerin auditoriyası 800 milyondan çox istifadəçidən ibarətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.