CƏMİYYƏT


İnsultun profilaktikası üçün sadə vasitə təklif edilib

Bakı, 21 fevral, AZƏRTAC

İnsultun qarşısını alan vasitələr arasında hamı üçün əlçatan olanları var. ABŞ alimləri müəyyən ediblər ki, toyuq yumurtası beyinə qan sızmasının qarşısını almağa səmərəli kömək edir.

AZƏRTAC “medikforum” saytına istinadla xəbər verir ki, Miçiqan Universitetinin elmi işçiləri bir neçə tədqiqatın məlumatlarını təhlil etdikdən sonra bu nəticəyə gəliblər. İştirakçılar tədqiqat zamanı toyuq yumurtası yeyiblər. Alimlər müəyyən ediblər ki, hər gün cəmi bir yumurta yemək insultun qarşısını 12 faiz alır.

Tədqiqatçılar toyuq yumurtası yeməyin profilaktik effektinin yüksək olmasını bu məhsulun antioksidant maddələr kompleksi ilə zəngin olması ilə əlaqələndirirlər. Orqanizmin müəyyən səbəblərə görə daim məruz qaldığı oksidləşmə prosesinin intensivliyi bu maddələr sayəsində səngiyir. Hüceyrələrdə oksigen təzyiqinin düşməsi çox təhlükəli xəstəliklərin, o cümlədən ürəyin işemik xəstəliyinin və beyində qan dövranının pozulması ilə bağlı olan iltihabi proseslərin kəsilməsinə gətirib çıxarır.

Yumurta yeyən zaman orqanizmə damarlara və kapillyarlara yaxşı təsir göstərən birləşmələr və rahat həzm olunan zülallar daxil olur. Bu da yumurtanın faydalı xüsusiyyətlərini gücləndirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.