“İnter” komandası rəqib meydanında “Simurq”a qalib gəlib

Bakı, 1 may, AZƏRTAC

Mayın 1-də “Simurq” – “İnter” oyunu ilə futbol üzrə Topaz Premyer Liqasının 32-ci turuna start verilib.

AZƏRTAC xəbər verir ki, Zaqatala şəhər stadionunda keçirilən oyunda “İnter” komandası 3:2 hesabı ilə qalib gəlib.

Baş hakim Fariz Yusifovun idarə etdiyi matçda “Simurq”un heyətində Samir Zərgərov və Vadim Abdullayev fərqləniblər. “İnter”in heyətində isə Mikel Alvaro iki, Arif Daşdəmirov isə bir dəfə rəqib qapısına yol tapıblar.