MƏDƏNİYYƏT


İnternat məktəbində “Arşın mal alan” operettası nümayiş etdirilib

Bakı, 18 sentyabr (AZƏRTAC). Sentyabrın 18-də paytaxtın Xəzər rayonunun Şüvəlan qəsəbəsindəki sağlamlıq imkanları məhdud uşaqlar üçün 12 nömrəli xüsusi internat məktəbində Təhsil Nazirliyinin dəstəyi ilə “İçərişəhər” Dövlət Tarix-Memarlıq Qoruğu İdarəsinin “Marionet” teatrı “Arşın mal alan” operettasını nümayiş etdirib.

Təhsil Nazirliyindən AZƏRTAC-a bildiriblər ki, Milli Musiqi Günü münasibətilə keçirilən və sentyabrın 20-dək davam edəcək bu aksiyada internat məktəbinin şagirdlərinə hər gün iki tamaşa göstəriləcək.

Tədbirdə qeyd edilən internat məktəbinin şagirdləri ilə yanaşı, valideyn himayəsindən məhrum olmuş uşaqlar üçün 1 və 2 nömrəli tam orta internat məktəbləri, 11 nömrəli inteqrasiya təlimli internat məktəbi və 1 nömrəli ailə tipli kiçik qrup evinin şagirdləri də iştirak edirlər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.