DÜNYA


İordaniya Kralı İsrailin Baş naziri ilə regional sülh və təhlükəsizlik məsələlərini müzakirə edib

Qahirə, 27 iyul, AZƏRTAC

İordaniya Kralı II Abdulla Əmmanda səfərdə olan İsrailin Baş naziri Yair Lapid ilə görüşündə Yaxın Şərqdə davamlı sülhün və təhlükəsizliyin bərqərar olması məsələlərini müzakirə edib.

AZƏRTAC rəsmi Petra agentliyinə istinadla xəbər verir ki, Kral II Abdulla regionda dayanıqlı sülhün bərqərar olmasında Fələstin probleminin həllini mühüm amil kimi qiymətləndirib. O əlavə edib ki, İsrail Dövləti bu yaxınlarda ABŞ Prezidenti Cozef Baydenin regiona səfəri zamanı vəd etdiyi regional iqtisadi layihələrə Fələstini də cəlb etməlidir. Kral II Abdulla problemin “iki dövlət” prinsipi əsasında həllinin ərəb ölkələri və İsrail arasında daha çox yaxınlaşmaya səbəb olacağını vurğulayıb.

Görüşdə İordaniya ilə İsrail arasında ikitərəfli əlaqələrin inkişafı, birgə iqtisadi layihələrin həyata keçirilməsi perspektivləri də müzakirə olunub.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.