İQTİSADİYYAT


İordaniya ilə Azərbaycan biznesmenləri arasında əməkdaşlığın perspektivləri müzakirə olunub VİDEO

Qahirə, 25 sentyabr, AZƏRTAC

Azərbaycanın İordaniyadakı səfiri Eldar Səlimovun Krallığın İrbid vilayətinə səfəri zamanı iki ölkənin iş adamları arasında əməkdaşlığın perspektivləri müzakirə olunub.

AZƏRTAC xəbər verir ki, diplomatımızın İrbid valisi Radvan Əl-Atum ilə görüşündə vilayətin sənaye müəssisələrinin istehsal potensialı haqqında məlumat verilib, həmçinin Azərbaycandakı iş adamları ilə idxal-ixrac və sərmayə imkanları ətrafında fikir mübadiləsi aparılıb.

İordaniyanın “JordanTV” dövlət telekanalına müsahibə verən E.Səlimov qeyd edib ki, Azərbaycan dost İordaniya ilə bütün sahələrdə, o cümlədən iqtisadi məsələlərdə əlaqələrin daha da genişləndirilməsində maraqlıdır. İki ölkənin regionları arasında əməkdaşlığın da potensialı böyükdür. İordaniya Sənaye və Ticarət Palatasının sədri Məhəmməd Əl-Şuxinin təşəbbüsü ilə yaxın vaxtlarda biznesmenlərdən ibarət nümayəndə heyətlərinin qarşılıqlı səfərləri də təşkil ediləcək.

 

Oqtay Bayramov
AZƏRTAC-ın xüsusi müxbiri
Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.