REGİONLAR


İordaniyalı tələbələr ADAU-da təhsil almağa maraq göstərirlər

Bakı, 6 may, AZƏRTAC

Azərbaycan Dövlət Aqrar Universitetinin (ADAU) beynəlxalq əlaqələrinin genişlənməsi özünü əcnəbi tələbələrin coğrafiyasında göstərməkdədir.

Universitetdən AZƏRTAC-a bildiriblər ki, İordaniya Haşimilər Krallığının ölkəmizdəki səfirliyinin missiya rəhbərinin müavini Baider Al Talla ilə keçirilən onlayn görüşdə adıçəkilən ölkənin tələbələrinin ADAU-da təhsil imkanları müzakirə olunub.

Görüşdə Kənd Təsərrüfatı Nazirliyinin İnsan resursları şöbəsinin müdir müavini, təhsil sektorunun müdiri Emin Əliyev, ADAU-nun tədris işləri üzrə prorektoru, dosent Anar Hətəmov və digər əməkdaşlar iştirak ediblər.

Görüşdə, həmçinin ADAU ilə İordaniya Haşimilər Krallığının müvafiq ali təhsil və elmi-tədqiqat müəssisələri ilə əməkdaşlıq əlaqələrinin yaradılması məsələləri də müzakirə olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.