Bakı, 19 fevral (AZƏRTAC). Ötən il “İpək Yolu” nəqliyyat dəhlizinin Azərbaycan ərazisindən keçən hissəsində 56,9 milyon ton və ya əvvəlki illə müqayisədə 5,5 faiz çox yük, 260,9 milyon nəfər və ya 8 faiz çox sərnişin daşınmışdır.

Dövlət Statistika Komitəsindən AZƏRTAC-a bildirmişlər ki, yüklərin 37,5 faizi dəmir yolu, 18,2 faizi dəniz, 44,3 faizi avtomobil nəqliyyatı ilə daşınmışdır.

Yükdaşımaları fəaliyyətindən 443,2 milyon manat, sərnişin daşınmasından isə 92 milyon manat gəlir əldə olunmuş və müvafiq olaraq 16,1 və 10,8 faiz artım qeydə alınmışdır.