DÜNYA


İqlim dəyişiklikləri fəlakətlərin sayını dörd dəfə artırıb

Cenevrə, 13 oktyabr, AZƏRTAC

Qlobal istiləşmə ötən əsrin 70-ci illəri ilə müqayisədə dünyada iqlimə görə baş verən təbii fəlakətlərin sayını dörd dəfə artırıb.

AZƏRTAC xəbər verir ki, bu məlumatı mərkəzi qərargahı İsveçrənin Cenevrə şəhərində yerləşən Beynəlxalq Qırmızı Xaç və Qızıl Aypara Hərəkatı yayıb. Hərəkatın eyniadlı komitəsinin verdiyi məlumata görə, beynəlxalq yardım təşkilatı ötən əsrin 70-ci illərində iqlimlə əlaqədar hər il 80-100 təbii fəlakətlə bağlı yardım göstərirdisə, ötən il təşkilatın köməklik etdiyi bədbəxt hadisələrin sayı 400-ə çatıb.

Dünya Ərzaq Təşkilatının təmsilçisi Qernot Laqanda isə Cenevrədə keçirilən bir konfrans çərçivəsində bildirib ki, planetimizdə orta temperaturun 2 dərəcə yüksəlməsi əlavə olaraq 189 milyon insan üçün ərzaq çatışmazlığına səbəb ola bilər. Dörd dərəcə istiləşmə isə bir milyard insanı gündəlik qida problemləri ilə üz-üzə qoya bilər. Kəskin iqlim dəyişiklikləri hazırda hər il orta hesabla 22,5 milyon insanı öz yaşadığı əraziləri tərk etməyə məcbur edir.

İqlim dəyişiklikləri üzrə dövlətlərarası ekspertlər qrupu isə dünyada istiləşmənin təxminən 1,5 dərəcə aşağı salmaq üçün ciddi addımlar atmağa çağırıb. Əgər yaxın gələcəkdə dünya dövlətləri birgə səylər nəticəsində istiləşmənin qarşını almasalar, o zaman bu, mavi planetdə yaşayan canlılar və bitki təbəqəsi üçün dramatik nəticələrə aparıb çıxaracaq.

Elgün Niftəli

AZƏRTAC-ın xüsusi müxbiri

Cenevrə 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.