ELM VƏ TƏHSİL


İqlim dəyişiklikləri nəticəsində yaranan su qıtlığı ilə bağlı qlobal problemlər müzakirə olunub

Bakı, 16 mart, AZƏRTAC 

AMEA-nın Respublika Elmi Tədqiqatların Əlaqələndirilməsi Şurasının torpaq və su ehtiyatlarının idarə edilməsi və ətraf mühitin mühafizəsi problemləri üzrə növbəti iclası keçirilib.

AMEA-dan AZƏRTAC-a bildirilib ki, tədbirdə professor Rza Mahmudov BMT Baş Assambleyasının qərarı ilə təsdiqlənmiş 22 mart - Dünya Su Gününə həsr olunan məruzə ilə çıxış edib. Bildirilib ki, 1993-cü ildən qeyd olunan Dünya Su Gününün əsas məqsədi iqlim dəyişiklikləri nəticəsində yaranan su qıtlığı ilə bağlı qlobal problemin cəmiyyətlərə çatdırılması və həllinə yönəltməkdən ibarətdir.

Məruzə dinlənildikdən sonra mövzu ətrafında müzakirələr aparılıb və çap olunması tövsiyə edilib.

Daha sonra fəlsəfə hazırlığı üzrə doktorant və dissertantların dissertasiya mövzuları müzakirə olunub. Müzakirə olunan 10 dissertasiya mövzusundan 8-i təsdiqlənib, 2 mövzu yenidən baxılması üçün geri qaytarılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.