Azərbaycan Dövlət İnformasiya Agentliyi

ORDU

İqtisadi inkişaf, uğurlu islahatlar, güclü Ordu

Ordu quruculuğunda növbəti uğurlu il başa çatmaqdadır

Bakı, 21 oktyabr, AZƏRTAC

2017-ci ilin başa çatmasına iki aydan bir qədər çox vaxt qalır. Ötən müddətə nəzər saldıqda, təhlillər apardıqda aydın görünür ki, bu il bizim üçün işgüzar, başucalığı gətirən və ordu quruculuğu istiqamətində uğurlu il olub. Bu yaxınlarda keçirilən Nazirlər Kabinetinin iclasında ölkəmizin son doqquz ayda əldə etdiyi uğurlar barədə məlumat verən Prezident, Ali Baş Komandan İlham Əliyev bütün istiqamətlərdə iqtisadi inkişaf prosesinin davam edəcəyini əminliklə bildirib və iqtisadi inkişafımızın göstəricilərini sadalayıb.

Dövlətimizin başçısının çıxışı təbii ki, ordumuzun şəxsi heyəti tərəfindən də maraqla qarşılanıb. Çünki heç kəsə sirr deyil ki, ölkənin hərbi qüdrətinin artması dövlətin iqtisadi inkişafı ilə birbaşa bağlıdır. Odur ki, son illər Azərbaycan Ordusunda baş verən yeniliklər də məhz dövlətimizin başçısının rəhbərliyi ilə həyata keçirilən islahatlar nəticəsində qazandığımız iqtisadi uğurlarla bağlıdır. Silahlı Qüvvələrin şəxsi heyəti bunu gündəlik xidmətlərində daim hiss edirlər.

Sözün həqiqi mənasında respublikamızda baş verən iqtisadi inkişaf bütün sahələrlə birlikdə ordu quruculuğuna da müsbət təsirini göstərir. Hərbi qulluqçular hər gün əyani surətdə əmin olurlar ki, ölkəmiz iqtisadi cəhətdən gücləndikcə, hərbi qüdrətimiz də bir o qədər artır, ordumuzun döyüş hazırlığı yüksəlir, hərbi hissələrdə sosial-məişət şəraiti günbəgün daha da yaxşılaşır.

Azərbaycan Prezidenti, Silahlı Qüvvələrin Ali Baş Komandanı İlham Əliyevin dəfələrlə vurğuladığı kimi, ordu quruculuğu bizim üçün ən başlıca və prioritet məsələ olaraq qalmaqdadır. Görülən bütün işlər də məhz bu prioritet məsələnin əhəmiyyəti nəzərə alınaraq həyata keçirilib. Bu səbəbdən də Silahlı Qüvvələrin bütün istiqamətlərini əhatə edən islahatlar dövlətimizin başçısının birbaşa rəhbərliyi və tapşırığına əsasən 2017-ci ildə də yüksələn templə davam etdirilib. İslahatların kompleks şəkildə, davamlı həyata keçirilməsi Silahlı Qüvvələrimizi aparıcı dövlətlərin orduları səviyyəsinədək yüksəlməsinə imkan verib. Ölkə rəhbərliyinin həyata keçirdiyi iqtisadi islahatlar Azərbaycanın bütün sahələrdə inkişafına təkan verdiyi kimi, hərtərəfli dinamik tərəqqi ordu quruculuğuna da öz müsbət təsirini göstərib. Məhz bu inkişaf qısa müddətdə hərbi büdcəmizin 20 dəfədən çox artmasına səbəb olub. Növbəti ildə də bu istiqamətdə artım nəzərdə tutulur.

Bu il ölkəmizin müdafiə qabiliyyətinin və milli təhlükəsizliyinin təmin edilməsi üçün nəzərdə tutulan xərclər artırılaraq 2,6 milyard manatdan çox təşkil edib. Cari ildə yüksək texnologiyaların tətbiqi ilə hazırlanmış ən müasir, yüksək dəqiqliyə, geniş ərazidə məhvetmə qabiliyyətinə malik silah-sursat və döyüş texnikası Ordumuzun silahlanmasına qəbul edilib və artıq döyüş atışlı təlimlərdə sınanılıb. Bu proses davamlı surətdə, mərhələlərlə hazırda da həyata keçirilir və gələn ildə də davam edəcək.

Son bir neçə xarici ölkəyə səfər edən müdafiə naziri, general-polkovnik Zakir Həsənovun Ali Baş Komandanın tapşırığına əsasən, məhz dünyanın qabaqcıl silah, hərbi texnika istehsalçısı olan müəssisələrdə olması və hərbi-texniki sahədə əməkdaşlığa dair sazişlər imzalaması bunları deməyə tam əsas verir.

Hərbi qulluqçuların sırf döyüş hazırlığı ilə məşğul

olmaları üçün bütün imkanlar yaradılıb

Hərbi qulluqçuların sırf döyüş hazırlığı ilə məşğul olmaları üçün dövlətimiz tərəfindən hər cür şərait yaradılıb. Bu il Silahlı Qüvvələrin inkişaf proqramı döyüş hazırlığını, hərbi təhsili, tərbiyəvi işi, şəxsi heyətin sosial-məişət şəraitinin daha da yaxşılaşdırılmasını və digər sahələri əhatə edib. 

Silahlı Qüvvələrin inkişafını müəyyən edən amillərdən biri də şəxsi heyətin bağlaşma əsasında xidmət edən hərbi qulluqçularla komplektləşdirilməsi istiqamətində tədbirlərin davam etməsi olub. Əsas döyüş təminatını müəyyən edən vəzifələrə ixtisaslı mütəxəssislərin və peşəkar hərbi qulluqçuların qəbul edilməsi Ordumuzun döyüş hazırlığının yüksəlməsinə müsbət təsirini artıq göstərir. Şəxsi heyətin təsərrüfat işlərindən kənarlaşdırılması, yardımçı təminat sahələrinə mülki işçilərin qəbul edilməsi də döyüş hazırlığının optimallaşdırılması istiqamətində atılan ən vacib addımlardan biridir.

Prioritet istiqamətlərdən biri də hərbi qulluqçuların sosial-məişət şəraitlərinin yaxşılaşdırılmasıdır. Dövlətimizin diqqəti və qayğısı nəticəsində son illər Bakı, Gəncə və Naxçıvanda mindən çox hərbi qulluqçu daimi mənzillə, ölkənin müxtəlif bölgələrində isə iki mindən çox hərbi qulluqçu xidməti mənzillə təmin olunub.

Silahlı Qüvvələrimizin şəxsi heyətinin əksər hissəsi yeni, müasir komplekslərdə, hərbi şəhərciklərə yerləşdirilib. Qısa müddətdə, xüsusən cəbhəboyu zonada 20-dən çox hərbi şəhərcik tikilərək istifadəyə verilib. Müdafiə Nazirliyi tərəfindən təşkil edilən və artıq bir ənənə şəklini alan “Açıq qapı” günlərinin keçirilməsi də hərbi qulluqçuların sosial-məişət şəraitlərinin yaxşılaşdırılması istiqamətində görülən işlərə müsbət təsir göstərir.

Modernləşdirilmə Silahlı Qüvvələrin bir çox sahələrini əhatə edir

Ali Baş Komandanın tapşırığına əsasən, Silahlı Qüvvələrin modernləşdirilməsi artıq bir çox sahələri əhatə edir. Müasir döyüş əməliyyatlarında aviasiyanın və artilleriyanın rolunu nəzərə alaraq, görülən işlər çərçivəsində Hərbi Hava Qüvvələrinin döyüş vasitələrinin, idarəetmə sisteminin təkmilləşdirilərək yüksək texniki standartlar səviyyəsinə çatdırılması, eşelonlaşdırılmış hava hücumundan müdafiə sisteminin yaradılması istiqamətində artıq bir çox işlər yerinə yetirilib və proses daim davam etdirilir. Qısa müddətdə ən müasir və yüksək texnologiyalar əsasında yeni yaradılan, yaxud əsaslı təmir edilərək yenidən döyüş növbətçiliyinə daxil edilən Qırıcı Aviasiya Bazasını, Radiolokasiya hərbi hissələrini, Birləşmiş Komanda məntəqələrini və müxtəlif bölgələrdə yeni yaradılan hava hücumundan müdafiə bölmələri komplekslərini misal gətirmək olar ki, bunların hamısı ən müasir avtomatlaşdırılmış idarəetmə sistemləri ilə təchiz edilib. Görülən işlər aviasiya vasitələrinin qısa müddətdə döyüş vəziyyətinə gətirilməsi, eləcə də istənilən iqlim şəraitində və sutka ərzində düşmənin hava hədəflərinin izlənməsini, kəşfiyyat məlumatlarının toplanılması, təhlili, qərarların vaxtında qəbulu, bütün hədəflərin məhv edilməsi və döyüş tapşırıqlarının vaxtında icrasını təmin etmək şəraitini yaradıb.

“İldırım” və modernləşdirilmiş S-125, eləcə də digər zenit-raket komplekslərindən, müxtəlif növ artilleriya qurğularından, aviasiya vasitələrindən döyüş atışlarının həyata keçirilməsi müasir texnoloji avadanlıqla təchiz edilən Azərbaycan Ordusunun döyüş imkanlarını artırıb, eləcə də Hərbi Hava Qüvvələri tərəfindən döyüş növbətçiliyinin yüksək səviyyədə aparmasını mümkün edib.

Qürurla qeyd etmək olar ki, sözün həqiqi mənasında ordumuzda həyata keçirilən modernləşdirilmə prosesi planlı davam edir və çoxsahəlidir. Həyata keçirilən proseslər hərbi hissələrin komplektləşdirilməsini, kadr siyasətini, hərbi təhsil, döyüş hazırlığı, Hərbi Dəniz Qüvvələrini, zirehli texnikaları, zenit raket qurğularını, artilleriya sistemlərini, idarəetmə məntəqələrini və rabitə sistemlərini, həmçinin digər sahələri əhatə edir ki, bu barədə mətbuatda mütəmadi olaraq məlumatlar verilir.

Xaricdən alınan və Azərbaycan hərbi sənayesinin istehsal etdiyi müasir

silahların tam üstünlüyümüzü təmin etdiyini düşmən artıq anlayır

Azərbaycan Silahlı Qüvvələrinin düşmənə tuşlanan müasir, uzaqmənzilli, yüksək dəqiqliyə və dağıdıcı qüvvəyə malik minlərlə raketinin bütün Ermənistan ərazisindəki hərbi və müdafiə əhəmiyyətli obyektləri, eləcə də strateji kommunikasiya sistemlərini məhv etməyə qadir olduğunu artıq qarşı tərəfin hərbi-siyasi rəhbərliyi birmənalı olaraq dərk edir. Azərbaycan Ordusu arsenalında olanlardan tam istifadə edərsə Ermənistanı hansı faciələr gözlədiyini erməni xalqı artıq anlayıb, lakin onları uçuruma sürükləyənlərin də bunu anlamalarının vaxtı çatıb. Ona görə ki, Azərbaycan sərəncamında olan bütün qüvvələri cəlb etməklə düşmənə zərbə endirərsə onun tam çökməsi labüddür, qaçılmazdır.

Son illər ərzində əldə edilən silah-sursat, hərbi texnika Ermənistan ilə Azərbaycan arasında hərbi sahədəki pariteti bizim xeyrimizə əhəmiyyətli dərəcədə dəyişib. Eyni zamanda, Azərbaycanda hərbi-sənaye kompleksinə aid onlarla müəssisə fəaliyyətə başlayıb. Azərbaycanın Müdafiə və Müdafiə Sənayesi nazirlikləri arasında Silahlı Qüvvələrin yerli istehsal olan pilotsuz uçuş aparatları ilə təmin edilməsi barədə anlaşma memorandumunun imzalanması da bu qəbildən olan tədbirlərdəndir. Sənədə əsasən, Müdafiə Sənayesi Nazirliyinin müəssisələrində istehsal olunan yüzlərlə yeni növ kamikadze tipli “Zərbə” və kəşfiyyat-müşahidə xarakterli pilotsuz uçuş aparatları (PUA) yaxın vaxtlarda Silahlı Qüvvələrimizin istismarına veriləcək.

Aprel döyüşlərində bu tip PUA-nın nə dərəcədə səmərəli tətbiq olunduğu hamının yadındadır və düşmən tərəfi də bunu təsdiq etdi. Məhz bu səbəbdən əməliyyat və cari şərait də nəzərə alınmaqla Ordunun ehtiyaclarını təmin edəcək kifayət qədər PUA-nın əldə edilməsi nəzərdə tutulub. Azərbaycanın, eləcə də digər qabaqcıl ölkələrin hərbi sənaye imkanları nəzərə alınmaqla müxtəlif istiqamətlərdə, müxtəlif çeşiddə hərbi təyinatlı məhsulların əldə olunması nəzərdə tutulur və bu proses davamlı xarakter daşıyır.

Heç kimə sirr deyil ki, hərbi zavodlarımızda mindən artıq çeşiddə müdafiə təyinatlı məhsullar istehsal edilir. Eyni zamanda, Azərbaycanın hərbi sənayesinin istehsal etdiklərindən əlavə, regionun xüsusiyyətləri, cəbhəboyu zonadakı şərait və vəziyyət nəzərə alınmaqla, o cümlədən düşmən üzərində daim hərbi üstünlüyü saxlamaq məqsədilə inkişaf etmiş müxtəlif ölkələrdə istehsal olunan yeni, müasir və keyfiyyətli döyüş texnikaları, digər hərbi təyinatlı məhsullar Ordunun silahlanmasına daxil edilir.

Görülən işlərin ən uğurlu göstəricisi aprel döyüşlərində qələbəmizdir.

Bu, həm də düşmənə bir dərs oldu

Heç şübhəsiz ki, Silahlı Qüvvələrimizdə həyata keçirilən islahatların nə dərəcədə uğurlu olmasına 2016-cı ilin aprelində həyata keçirilən əks-həmlə əməliyyatı əyani sübutdur. Silahlı Qüvvələrimizin bu əməliyyatda əsas hədəfi Ermənistan və Azərbaycan qoşunlarının təmas xəttinə yaxın kəndlərdə yaşayan və düşmən tərəfindən daim atəşə məruz qalan azərbaycanlı dinc əhalinin təhlükəsizliyini təmin etmək məqsədilə erməni hərbi birləşmələrinin atəş nöqtələrini zərərsizləşdirmək idi.

Ermənistan silahlı qüvvələrinin bölmələri aprel döyüşlərində böyük itkilərə məruz qaldı. Minə yaxın düşmən öldürüldü və yaralandı. Ermənilərin 30-dək tankı və digər zirehli texnikası, 25-dən artıq artilleriya qurğusu sıradan çıxarıldı, Madagiz yaşayış məntəqəsində yerləşən qərargahı və əsas hərbi hissələri darmadağın edildi. Bu məqsəd də uğurla yerinə yetirildi və minlərlə hektar ərazimiz düşməndən azad edildi.

Silahlı Qüvvələrimiz tərəfindən Ağdərə-Madagiz, Cəbrayıl istiqamətindəki yüksəkliklər, yollar və daha çox ərazilər əməliyyat şəraiti baxımından Ordumuzun nəzarətinə keçdi. Düşmən tərəfi tam demoralizə edildi, onun hərbi-siyasi strategiyası iflasa uğradı. Bu hadisələrdən sonra Ermənistanın hərbi-siyasi rəhbərliyində baş verən proseslər düşmən qurumun idarəçilik aparatındakı, o cümlədən hərbi strukturundakı problemləri, boşluqları tam ortaya çıxardı.

Azad edilən ərazilərdə artıq Azərbaycan bayrağı dalğalanır və hər birimizə qürur hissi bəxş edir, qələbəyə inamımızı daha da möhkəmləndirir, bütün ərazilərimizin tezliklə azad ediləcəyinə əminliyimizi hər gün bir az da gücləndirir.

Aprel döyüşləri zamanı Silahlı Qüvvələrimizin fəaliyyətinə ən böyük qiyməti Prezident, Ali Baş Komandan İlham Əliyev verdi. Dövlətimizin başçısının “Aprel döyüşləri dövlətimizin və Ordumuzun gücünü, xalqımızın birliyini, həmrəyliyini və vətənpərvərliyini nümayiş etdirmişdir” fikri bu qələbəyə verilən ən dolğun qiymətdir.

Xüsusi qeyd etmək lazımdır ki, Azərbaycan əsgəri erməni xalqına qarşı deyil, Ermənistanın cinayətkar, kriminal hərbi siyasi-rejiminə, əlləri günahsız dinc əhalinin qanına bulaşmış hərbi xuntaya vuruşaraq və işğal altındakı ərazilərimizin azad edilməsinə nail olmaq istəyir.

Aprel hadisələrindən sonra, ilk növbədə, dünya ictimaiyyəti, vasitəçiliklə məşğul olan beynəlxalq qurumlar, təşkilatlar bir daha əmin oldular ki, Azərbaycan xalqı ərazilərinin işğal altında qalması ilə barışmayıb və barışmayacaq. Bu, Ermənistan hakimiyyəti üçün də bir dərs olmalıdır. Yəqin ki, onlar lazımi nəticələr çıxaracaq və danışıqlar prosesində konstruktiv mövqedən çıxış edəcəklər. Uzun müddət davam edən status-kvo tezliklə dəyişməli, münaqişə beynəlxalq hüququn normaları və prinsipləri əsasında, Azərbaycanın ərazi bütövlüyü çərçivəsində həll edilməlidir. Azərbaycan əsgəri “hərbi yolla Dağlıq Qarabağ münaqişəsinin həlli yoxdur” fikrini təkrarlayanlara real şəkildə sübut etdi ki, hərbi yolla torpaqların azad olunması, Azərbaycanın ərazi bütövlüyünün bərpa edilməsi mümkündür və bu məsələ ən qısa vaxtda öz həllini tapmalıdır.

Ermənistanda hakimiyyəti terrorla ələ keçirmiş və öz xalqına qənim kəsilmiş şəxslər son illər ərzində yüzlərlə qeyri-adekvat, real vəziyyəti əks etdirməyən və Ermənistan ordusunun gücü, hərbi texnikası barədə absurd bəyanatlarla çıxış ediblər. Bu da təbii ki, təəccübləndirici deyil. Amma onu da qeyd etmək yerinə düşər ki, Azərbaycan Ermənistanla “qızğın silahlanma” yarışına girməyib və belə bir fikir də yoxdur. Çünki Ermənistan iqtisadiyyatı Azərbaycanın imkanları ilə müqayisə edilməyəcək qədər zəifdir. Eyni zamanda, hücum silahları ilə yanaşı, hava məkanımızın qorunması, hərbi və mülki obyektlərin, strateji əhəmiyyətli kommunikasiya xətlərinin təhlükəsizliyinin təmin edilməsi istiqamətində də ciddi kompleks tədbirlərin görülməsi zamanın tələbidir və bu istiqamətdə də respublikamızda uğurlu fəaliyyət həyata keçirilir. Daha dəqiq desək, Azərbaycan Ordusunun gücləndirilməsi zamanın tələbidir.

Ali Baş Komandanın tapşırığına əsasən, 2018-ci ildə də ordu quruculuğu prioritet sahələrdən biri olaraq qalacaq. Bu gün əminliklə deyə bilərik ki, ən müasir silah-sursat və döyüş vasitələri ilə təchiz edilmiş, yüksək vətənpərvərlik ruhuna malik, mənəvi-psixoloji cəhətdən hazırlıqlı Azərbaycan Ordusu hər bir əmri dərhal və yüksək peşəkarlıqla yerinə yetirməyə hazırdır və qadirdir.

Qarşımızda duran ən mühüm vəzifə isə işğal altındakı torpaqlarımızı tezliklə azad edərək xalqımız və dövlətimiz tərəfindən Silahlı Qüvvələrə göstərilən etimadı doğrultmaqdır. Azərbaycan Ordusu gündəlik fəaliyyəti, gecə-gündüz əzmlə çalışmaqla bu hədəfə doğru inamla yaxınlaşır.

İsa İsmayılov

hərbi jurnalist

Xəbəri sosial şəbəkələrdə paylaşın

Bizi sosial şəbəkələrdə izləyin

Avstraliya məhkəməsi “Uber”i böyük məbləğdə təzminat ödəməyə məcbur edib

Yanlış ayaqqabı uşağın sağlamlığına zərər verə bilər - Mütəxəssis rəyi

Anaklia limanının dəniz infrastrukturunun tikintisi üçün beynəlxalq tender elan edilib

Süni intellekt və lazer əsaslı sensorla mədədəki xəstəliklər müəyyən ediləcək

Braziliyada hiss edilən temperatur 62 dərəcə Selsini keçib

Yaponiyada yaşlı insanlar əməyə cəlb edilir

İraq neft ixracını azaldacaq

Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib

Budapeştdə biznes forumda Azərbaycandakı investisiya imkanlarından danışılıb

Gürcüstanın Təhsil və Elm Nazirliyinin Marneuli İctimai Kollecində təntənəli Novruz şənliyi keçirilib

Azərbaycanın Qırğızıstandakı səfirliyində Novruz bayramı qeyd edilib

Bu gün Torpaq çərşənbəsidir

Şabranda minik avtomobilləri toqquşub, yaralananlar var

“Robotexnika Klubu”nun üzvləri Türkiyədə keçiriləcək “Texnofest”ə layihə təqdim ediblər

Kəngərli rayonunun yaradılmasının 20 illiyi qeyd olunub

Türkiyə və Rusiya prezidentləri arasında telefon danışığı olub

Dövlət Komitəsində Yaponiyada yaşayan azərbaycanlı pianoçu ilə görüş olub

Amur vilayətindəki filiz mədənində qəza baş verib, dağıntılar altında qalanlar var

Media əməkdaşları arasında atıcılıq yarışının qalibləri bəlli olub

Türkiyə Prezidenti: Bu yay İraq sərhədimizin təhlükəsizliyini tam təmin edəcəyik

Naxçıvan ŞİH: Möminə Xatun türbəsinin ətrafındakı tikili ilə bağlı yayılanlar həqiqəti əks etdirmir

Azərbaycanın güləş millisi “Çempionlar” turnirini 10 medalla başa vurub

YAP Səbail rayon təşkilatında Novruz bayramı qeyd edilib

Nigeriyada daha yüz adam oğurlanıb

Azərbaycan-İraq əlaqələrinin inkişaf perspektivləri müzakirə olunub

Bakı Ali Neft Məktəbində “Huawei” şirkətinin laboratoriyası fəaliyyətə başlayıb

Nazirlik: Hərbi hissələrdə bayram tədbirləri qapalı şəraitdə keçirilir

Azərbaycan atıcıları Almaniyada qızıl medal qazanıblar

Bakı Dövlət Universitetində Novruz şənliyi

Yens Stoltenberq: NATO ilə Azərbaycan arasında əməkdaşlıq üçün yeni çərçivə sənədinin razılaşdırılması üzərində iş aparırıq VİDEO

Beynəlxalq mətbuat Azərbaycan Prezidentinin NATO-nun Baş katibi ilə görüşündən yazır

“Ailəm könüllüləri” proqramının könüllüləri mükafatlandırılıb

Nobel sülh mükafatı laureatı Məhəmməd Yunus BAMF-da olub

Azərbaycan icması Böyük Britaniya Parlamentinə etiraz məktubu göndərib

Müdafiə naziri Novruz bayramı münasibətilə Azərbaycan Ordusunun şəxsi heyətini təbrik edib

Unudulmaz bəstəkar Şəfiqə Axundovanın 100 illik yubileyi qeyd olunub

Hikmət Hacıyev: Azərbaycan ilə Çin arasında ənənəvi dostluq və tərəfdaşlıq münasibətləri var VİDEO

Xüsusi təyinatlı təhsil müəssisələrində Çanaqqala zəfərinin 109-cu ildönümü qeyd edilib VİDEO

Ağdamda Bahar bayramı şənliyi keçirilib

Bakının Dəmir yolu vağzalında keçirilən oftalmoloji aksiya zamanı 120 nəfər müayinə olunub 

Monitorinq Mərkəzi Almaniyada “Avropada dilimizin bu günü və sabahı” adlı tədbir keçirib

M.F.Axundzadənin “Müsyö Jordan və dərviş Məstəli şah” əsəri İstanbulda səhnələşdiriləcək

Dövlət qulluğunda inzibati icraçı vəzifələr üzrə test imtahanına qeydiyyat elan edilib

Azərbaycan səfiri Çanaqqala Zəfərinin 109-cu ildönümü münasibətilə təşkil olunan tədbirdə iştirak edib

İsveçrənin ölkəmizdəki səfiri ilə COP29 ətrafında fikir mübadiləsi aparılıb

Avropa dövlətləri Şimal-Cənub Beynəlxalq Nəqliyyat Dəhlizinin dəmir yolu hissəsinin işə salınmasında maraqlıdırlar

Milli Kitabxanada “Tale şairi: Məmməd İsmayıl” adlı kitabın təqdimat mərasimi olub

® “Beyin ölümü diaqnozunun təyininə multidisiplinar yanaşma” mövzusunda seminar keçiriləcək

Azərbaycan Respublikası Nazirlər Kabinetinin 2019-cu il 25 dekabr tarixli 503 nömrəli Qərarı ilə təsdiq edilmiş “Dərman vasitələrinin farmakonəzarət Qaydası”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Xocavəndlilər baharın gəlişini yüksək əhvali-ruhiyyə ilə qeyd edirlər

“Beynəlxalq Münasibətlərin Təhlili Mərkəzinin işçilərinin say həddinin təsdiq edilməsi və əməkhaqqı fondunun müəyyən edilməsi haqqında” Azərbaycan Respublikası Nazirlər Kabinetinin 2019-cu il 15 iyul tarixli 309 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

QAÇQINKOM-un sədri Siyəzəndə vətəndaşların müraciətlərini dinləyib

Bakı Kitab Mərkəzi xüsusi qayğıya ehtiyacı olan uşaqlar üçün Novruz şənliyi təşkil edib

“İnternet informasiya ehtiyatı vasitəsilə elektron ticarəti həyata keçirən qeyri-rezidentin elektron qaydada vergi uçotuna alınması, yenidən uçota alınması və uçotdan çıxarılması Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2023-cü il 30 oktyabr tarixli 387 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

Daha bir neçə müntəzəm avtobus marşrutu müsabiqəyə çıxarılır

“Müntəzəm beynəlxalq, şəhərlərarası (rayonlararası) və şəhərdaxili (rayondaxili) sərnişin daşımalarının yerinə yetirilməsi ilə bağlı sifarişçinin keçirdiyi müsabiqədə iştiraka görə ödənişin məbləği”nin təsdiq edilməsi haqqında
Azərbaycan Respublikası Nazirlər Kabinetinin QƏRARI

“Azərbaycan Respublikası Nazirlər Kabinetinin 1998-ci il 21 avqust tarixli 175 nömrəli Qərarı ilə təsdiq edilmiş “Azərbaycan Respublikasında telekommunikasiya vasitələri və qurğularının sertifikatlaşdırılması Qaydaları”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Beynəlxalq müsabiqədə qalib gələn tələbələrə diplomlar təqdim edilib

Azərbaycan Respublikası Nazirlər Kabinetinin 2021-ci il 10 sentyabr tarixli 256 nömrəli Qərarı ilə təsdiq edilmiş “Azərbaycan Respublikasının dövlət sərhədindən buraxılış məntəqələrinin sayı və yerləşdiyi ərazilərin siyahısı”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

UNEC kollektivi bu il də Novruz bayramını ahıl sakinlərlə qeyd etdi

Hakim partiyaların fəal dialoqu Azərbaycan-Çin münasibətlərinin inkişafına böyük töhfələr verir

“Daşkəsən rayonunda kartofçuluq təsərrüfatının inkişafına dəstək” layihəsinin icrasına başlanılıb

Azərbaycanda “Elektron kommunikasiya haqqında” qanun layihəsi hazırlanır

Abşeronda Novruz bayramı böyük izdihamla qeyd olunub

MEK Özbəkistanda türkdilli xalqlara həsr edilmiş beynəlxalq konfransda təmsil olunub

“Həvəsləndirmə və Biznes mükafatları” müsabiqəsi barədə məlumatlandırma görüşü keçirilib

Şəhid övladı Novruz tonqalını alovlandırdı

COP29 və elmi-texniki tərəqqi

Özbəkistan istehsal etdiyi yaşıl enerjini Azərbaycan üzərindən ixrac edəcək

Abşeronda Çanaqqala Zəfərinin 109–cu ildönümü qeyd olunub

Yens Stoltenberqin Bakı səfəri NATO-Azərbaycan münasibətlərinə töhfə verəcək – AÇIQLAMA

Qubada qaçış marafonunun qalibləri mükafatlandırılıb

Azərbaycan Kanoe və Avarçəkmə Federasiyası COP29-a dəstək xarakterli təmizlik aksiyası keçirib

ANAMA: Ötən həftə 202 partlamamış hərbi sursat zərərsizləşdirilib

“İnformasiya müharibəsində qələbə-Müzəffər Ali Baş Komandan cənab İlham Əliyev” adlı kitabın təqdimatı olub VİDEO

Mirzə Uluqbəy adına Füzuli şəhər tam orta məktəbdə Novruz şənliyi

Gəncədə görmə əlilliyi olan 18 yaşına çatmayan uşaqlar üçün Novruz şənliyi keçirilib

“Sumqayıt”ın legioneri: Mövsümü ikinci yerdə bitirə bilərik

Bakı hava limanı ərazisi Novruz dekorları ilə bəzədilib

Paytaxtda ödəmə terminalı və avtomobillərdən oğurluq edən şəxs saxlanılıb VİDEO

Lənkəranda yeni penitensiar kompleks cəzaçəkmə müəssisələrində sıxlığı aradan qaldırmağa xidmət edir

Bu günədək 31 mindən çox tələbə təhsil krediti alıb

Sosial Xidmətlər Agentliyi ilə Penitensiar xidmət məhkumların cəmiyyətə inteqrasiyası ilə əlaqədar əməkdaşlıq edəcəklər

“Türk sivilizasiyasının dirçəlişi” beynəlxalq elmi konfransı işə başlayıb

Naxçıvan Qida Təhlükəsizliyi İnstitutu yaradılıb

Baş konsul: Türkiyə hər zaman Azərbaycanın yanındadır

Misirdə 2500 il əvvələ aid “Zəbur” kitabı nümayiş etdirilir

Şəhid ailələri və müharibə ilə əlaqədar əlilliyi olan şəxslərə bu il daha 1500 mənzil və fərdi ev veriləcək

ADAU-da "Qadının cəmiyyətdəki rolu" mövzusunda forum keçirilib

Yeni Azərbaycan Partiyasının İdarə Heyətinin iclası keçirilib

Ukrayna hökuməti PUA alınmasına 130 milyon dollar ayırıb

"Qlobal Təkrar Emal Günü”ndə “Təmiz Şəhər” ASC-nin təsərrüfat sahələrinə məlumat turu təşkil olunub VİDEO

Rusiyada səsvermə protokollarının 100 faizi hesablanıb

Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib

Paytaxtın abad məhəllələrində Novruz şənliyi

AzMİU-nun əcnəbi tələbələrinin Novruz sevinci

Masallıda noxud əkini sahəsi iki dəfə artıb VİDEO

® “Coca-Cola” “2030 Su Təhlükəsizlik Strategiyası”nı təqdim edib

NATO-nun Baş katibi Gürcüstanın Baş naziri ilə görüşüb

Samuxda 2000 ağac və 1000 ədəd gül kolu əkilib