İQTİSADİYYAT


İqtisadiyyat Nazirliyi Qurban bayramı münasibətilə şagirdləri sevindirib

Bakı, 1 avqust, AZƏRTAC

İqtisadiyyat Nazirliyinin təşkilatçılığı ilə iyulun 31-də Qurban bayramı münasibətilə valideyn himayəsindən məhrum olmuş internat məktəblərindən və aztəminatlı ailələrdən olan şagirdlər üçün bayram payı aparılıb.

Nazirlikdən AZƏRTAC-a bildirilib ki, ölkədə xüsusi karantin rejiminin tətbiqi ilə əlaqədar bir çox internat məktəblərinin şagirdləri bu bayramı yaxınlarının əhatəsində keçirir. Bunu nəzərə alaraq, əsas gündəlik ərzaq məhsullarından ibarət bayram sovqatı internat məktəbinin həyətində açıq havada sosial məsafə gözlənilməklə şagirdlərin ailə üzvlərinə təqdim edilib.

İqtisadiyyat Nazirliyi sosial məsuliyyət strategiyası çərçivəsində təşəbbüslərin dəstəklənməsinə daim diqqətlə yanaşır və sosial layihələrin həyata keçirilməsində fəal tərəfdaş kimi iştirak edir. Bu tədbir də sosial layihələrdən biri olmaqla valideyn himayəsindən məhrum olmuş və qayğıya daha çox ehtiyac duyan məktəblilərə mənəvi dəstək olmaq məqsədi daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.