İQTİSADİYYAT


İqtisadiyyat Nazirliyi maarifləndirici videoçarx hazırlayıb VİDEO

Bakı, 7 iyul, AZƏRTAC

İqtisadiyyat Nazirliyi pandemiya ilə mübarizə çərçivəsində daha bir maarifləndirici videoçarx hazırlayıb.

Nazirliyin mətbuat xidmətindən AZƏRTAC-a bildirilib ki, videoçarx karantin rejimində ticarət obyektlərində yerinə yetirilməli olan tələbləri özündə əks etdirir. Sadə və anlaşılan qrafik izah üzərində qurulan videoçarxda əsas diqqət hər bir ticarət obyektində həm əməkdaşların, həm də alıcıların sağlamlığının qorunmasının vacibliyinə, həm də infeksiyasının yayılmasına qarşı profilaktik tələblərə ciddi riayət edilməsinə yönəldilib. Bu tələblər isə ticarət obyektinin zəruri gigiyena vasitələri ilə təmin edilməsi və bu vasitələrin hamı üçün əlçatan olması, obyekt daxilində sosial məsafənin qorunmasına ciddi nəzarət edilməsi, ticarət obyektinin bütün əməkdaşlarının qoruyucu maska taxması, maskasız alıcıların obyektə daxil olmasına icazə verilməməsidir. Çarxda vurğulanan daha bir məqam odur ki, obyekt daxilində mütəmadi olaraq dezinfeksiya işləri aparılmalı, alıcıların sayına nəzarət olunmalı, zərurət yarandıqda istehlakçıların növbə ilə girişi təmin edilməlidir.

Pandemiya dövrünün əsas çağırışları - “Biz birlikdə güclüyük” və “Koronavirusa yalnız birlikdə qalib gəlmək mümkündür” videoçarxın ana xəttini təşkil edir.

Hər bir şəxs tərəfindən qaydalara riayət edilməsinin vacibliyi vurğulanan maarifləndirici çarx istehlakçılar və ticarət obyektlərinin əməkdaşları üçün nəzərdə tutulub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.