İQTİSADİYYAT


İqtisadiyyat Nazirliyinin “195-1” Çağrı mərkəzinə mediatur təşkil edilib

Bakı, 11 may, AZƏRTAC

Mayın 11-də İqtisadiyyat Nazirliyinin “195-1” Çağrı mərkəzinə mediatur təşkil edilib.

AZƏRTAC xəbər verir ki, nazirlik üzrə vahid platforma – “195-1” Çağrı mərkəzinin yaradılmasında məqsəd vətəndaşların İqtisadiyyat Nazirliyinə və qurumlarına (Dövlət Vergi Xidməti, Əmlak Məsələləri Dövlət Xidməti, Antiinhisar və İstehlak Bazarına Nəzarət Dövlət Xidməti) müraciətinin daha da asanlaşdırılması və vətəndaş məmnunluğunun yüksəldilməsidir.

Bildirilib ki, İqtisadiyyat Nazirliyi və qurumlarına “195-1” “qaynar xətt”i vasitəsilə ölkənin istənilən regionundan birbaşa zəng etmək olar. Çağrı mərkəzi tərəfindən göstərilən xidmətlər ödənişsizdir. Çağrı mərkəzinin xidmətlərindən istifadə etmək üçün bütün nömrələrdən, heç bir koddan istifadə etmədən birbaşa “195-1” nömrəsinə zəng edilə bilər.

Çağrı Mərkəzində nəzərdə tutulan əsas xidmətlərə qanunvericiliyə və inzibatçılığa dair sualların birbaşa və ya araşdırılaraq cavablandırılması, elektron xidmətlərdən istifadə zamanı yaranan çətinliklərin araşdırılaraq (çətinliyin aradan qaldırılması təmin edilməklə) cavablandırılması, şikayətlərin, təkliflərin və məlumatların qəbulu və aidiyyəti üzrə göndərilməsi, zəng sifarişlərinin və digər müraciətlərin qəbulu, buraxılmış zənglər və zəng sifarişləri üzrə əlaqə yaradaraq müvafiq xidmətin göstərilməsi daxildir. Həmçinin əməliyyatların aparılması (əməliyyat xarakterli xidmətlərin göstərilməsi), rəhbər vəzifəli şəxslərin qəbuluna yazılmanın həyata keçirilməsi, səsli menyu vasitəsilə ümumi məlumatların verilməsi və sair də Çağrı mərkəzinin xidmətlərinə aiddir.

Çağrı mərkəzi iş günləri saat 09:00-dan 18:00-dək fasiləsiz olaraq fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.