İQTİSADİYYAT


İqtisadiyyat Nazirliyinin əməkdaşlarının vaksinasiyası davam edir

Bakı, 17 aprel, AZƏRTAC

Xəbər verildiyi kimi, İqtisadiyyat Nazirliyinin təşəbbüsü və TƏBİB-in təşkilatçılığı ilə Bakı Biznes Mərkəzində COVID-19 əleyhinə səyyar vaksinasiya məntəqəsi təşkil edilib və nazirliyin könüllü olaraq peyvənd olunmaq istəyən əməkdaşları üçün hər cür şərait yaradılıb.

Nazirlikdən AZƏRTAC-a bildirilib ki, bu həftə ərzində İqtisadiyyat Nazirliyinin və tabeliyindəki qurumların 1700-dək əməkdaşı vaksinasiya üçün müraciət edib.

Ümumilikdə isə koronavirus infeksiyasına qarşı vaksinasiya başlayandan indiyədək İqtisadiyyat Nazirliyinin və tabeliyindəki qurumların 3100-dən çox əməkdaşı peyvənd olunub.

Azərbaycan Respublikası Nazirlər Kabinetinin 2021-ci il 16 yanvar tarixli Sərəncamı ilə təsdiq edilmiş “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq, İqtisadiyyat Nazirliyi və tabeliyindəki qurumların əməkdaşlarının koronavirus infeksiyasına qarşı vaksinasiya prosesi mərhələli şəkildə davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.