DÜNYA


İran BMT-nin hesabatını kəskin tənqid edib

Tehran 8 noyabr, AZƏRTAC

İranın İnsan Hüquqları üzrə Ali Şurasının katibi Məhəmməd Cavad Laricani BMT-nin insan hüquqları ilə bağlı illik hesabatını kəskin tənqid edib.

AZƏRTAC xəbər verir ki, M.C.Laricani BMT-nin insan hüquqları üzrə komissarının hazırladığı hesabatın siyasi xarakter daşıdığını və həqiqətlə heç bir əlaqəsinin olmadığını bəyan edib.

O bildirib ki, İranda prezident və parlament seçkiləri demokratik əsasda keçirilir və ölkə vətəndaşlarının seçib-seçilmək hüququ var. İranda söz, fikir və mətbuat azadlığı olduğu halda, hesabatda insanların hüquqlarının pozulduğu göstərilib. Onun sözlərinə görə, hesabatda insan hüquqlarının pozulmasına dair sübutlar yoxdur.

M.C.Laricani BMT-nin İnsan Hüquqları üzrə Komissarlığının əməkdaşlarını İrana dəvət edərək nəzərə çatdırıb ki, ölkəyə səfər etmədən, sadəcə olaraq, Qərb mətbuatının yazdığı qeyri-dəqiq məlumatlar əsasında hazırlanmış hesabat qəbulolunmazdır. O qeyd edib ki, İran insan hüquqlarının qorunması məsələsində BMT və digər beynəlxalq təşkilatlarla əməkdaşlıq etməyə hazırdır.

Xatırladaq ki, İranın İnsan Hüquqları üzrə Ali Şurasının toplantısında BMT-yə etiraz məktubu ünvanlanıb.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.