İQTİSADİYYAT


İran OPEC-i Qətərin kartelə üzvlükdən çıxmasının səbəblərini araşdırmağa çağırıb

Bakı, 5 dekabr, AZƏRTAC

İran Neft İxrac Edən Ölkələr Təşkilatını (OPEC) Qətərin kartelə üzvlükdən çıxmasının səbəblərini araşdırmağa çağırıb.

AZƏRTAC İRNA agentliyinə istinadla xəbər verir ki, İranın neft naziri Bijən Namidar Zəncənə Qətərin bəzi böyük neft istehsalçılarının yaratdığı problemlərlə qarşı-qarşıya qaldığını deyib: “Lakin Qətər bu neft istehsalçılarının arasında deyil”.

Xatırladaq ki, ötən günlərdə dünyanın ən böyük mayeləşdirilmiş təbii qaz (LNG) ixracatçısı və gündəlik orta hesabla 650 min barrel neft istehsal edən Qətər 57 ildir üzv olduğu OPEC-dən gələn il yanvarın 1-dən etibarən çıxacağını açıqlayıb. Qətərin energetika naziri Saad al-Kaabi ölkəsinin OPEC-ə üzvlükdən çıxmasının texniki və strateji qərar olduğunu bildirib.

15 üzv ölkəsi olan OPEC Səudiyyə Ərəbistanı, İran, Küveyt, İraq və Venesuela tərəfindən 1960-cı ildə yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.