DÜNYA


İran Prezidenti Moskvaya səfər edəcək

Tehran, 18 yanvar, AZƏRTAC

İran İslam Respublikasının Prezidenti İbrahim Rəisi yanvarın 19-da Rusiya Federasiyasına işgüzar səfər edəcək.

AZƏRTAC İran mətbuatına istinadla xəbər verir ki, səfər Rusiya Prezidenti Vladimir Putinin dəvəti ilə həyata keçəcək. Prezident İbrahim Rəisinin rəhbərlik etdiyi İran nümayəndə heyətinin tərkibində neft naziri Cavad Ovci və iqtisadiyyat naziri İhsan Handuzi də olacaq.

İranın Xarici İşlər Nazirliyinin rəsmi nümayəndəsi Səid Xətibzadənin verdiyi açıqlamaya əsasən, prezidentlərin Moskvada baş tutacaq görüşündə müxtəlif məsələlər üzrə müzakirələr aparılacaq. Qarşılıqlı əməkdaşlıqla əlaqədar olaraq, ticarət və nəqliyyat sahələrindəki əlaqələrin daha da yaxınlaşması müzakirə mövzusu olacaq.

Görüşdə regional təhlükəsizlik məsələsinə də toxunulacaq.

Rabil Kətanov

AZƏRTAC-ın xüsusi müxbiri

Tehran

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.