DÜNYA


İran ilk dəfə koronavirus əleyhinə ABŞ istehsalı olan peyvənd idxal edəcək

Tehran, 27 sentyabr, AZƏRTAC

İlk dəfə olaraq İrana Amerika istehsalı olan “Johnson & Johnson” və “Pfizer” peyvəndləri idxal olunacaq.

AZƏRTAC xəbər verir ki, bu barədə İranın Gömrük Baş İdarəsinin açıqlamasında qeyd olunub. Nəzərə çatdırılıb ki, bu həftə ərzində 5 milyon doza “Johnson & Johnson” və 5 milyon doza “Pfizer” peyvəndi ölkəyə gətiriləcək. Bu günə kimi İranda Çin istehsalı olan “Sinofarm” və yerli istehsal “Barakat cov İran” peyvəndləri istifadə olunurdu.

İranın Səhiyyə Nazirliyinin açıqlamasına görə, son 24 saat ərzində ölkə ərazisində 13 min 792 nəfər koronavirusa yoluxub, 288 nəfər isə yoluxaraq vəfat edib. Bununla da İranda virusa yoluxanların ümumi sayı 5 milyon 533 min 520 nəfərə, yoluxaraq ölənlərin sayı isə 119 min 360-a çatıb. Ölkə üzrə müalicəsini xəstəxanalarda davam etdirən 6 min 320 xəstənin vəziyyəti ağır olaraq qalır. Eyni zamanda, müalicə alan 4 milyon 944 min 87 nəfər sağalaraq evə buraxılıb.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.