DÜNYA


İran neftini ilk dəfə birjada satışa çıxarıb

Bakı, 29 oktyabr, AZƏRTAC

İran öz neftini ilk dəfə enerji birjasında satışa çıxarıb.

AZƏRTAC İranın Neft Nazirliyinə istinadla xəbər verir ki, nazirlik ABŞ-ın sanksiyalarının ikinci mərhələsi ərəfəsində ən az 35 min və ən çox isə 100 min barrel olmaqla neftini Tehran Enerji Birjasında satışa çıxarıb. Neft alışı üzrə müraciətlər üçün ümumi məbləğin 10 faizi nağd şəkildə ödənilməlidir. Qiymət isə bir barrel üçün minimum 79,15 dollar təyin edilib, maksimum qiymət bazardakı dəyişkənliyə görə formalaşacaq. Neft satışı üzrə ödənişlərin 20 faizi rial, 80 faizi digər valyuta növləri ilə həyata keçiriləcək.

İran bu addımı ilə sanksiyalar ərəfəsində neftin ölkədə daha dəyərli olmasını və nağd pul hərəkətini təmin etməyi hədəfləyir.

Qeyd edək ki, ABŞ noyabrın 5-dən etibarən İrana qarşı ikinci sanksiya paketini tətbiq etməyə başlayacaq. Birləşmiş Ştatlar İran Milli Neft Şirkətinə, İran Neft Ticarət Şirkətinə və Milli Tanker Şirkətinə sanksiyalar tətbiq etməyə hazırlaşır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.