DÜNYA


İran polisi Yəzd şəhərində 1,5 ton narkotik vasitə müsadirə edib

Tehran, 9 oktyabr, AZƏRTAC

İranın hüquq-mühafizə orqanları narkotik vasitələrin qaçaqmalçılığına qarşı qətiyyətli mübarizəni davam etdirirlər.

AZƏRTAC xəbər verir ki, İran polisinin Yəzd şəhərində keçirdiyi əməliyyat zamanı 1,5 ton narkotik vasitə müsadirə olunub. Şəhərin polis rəisi general Məhəmmədrza Mirheydəri jurnalistlərə bildirib ki, müsadirə olunan narkotik vasitələr arasında sintetik narkotik maddələr daha təhlükəlidir. Bu qəbildən narkotiklər insanda daha güclü asılılıq yaradır və aludəçilər narkotik maddəni əldə etmək üçün hər cür cinayəti törətməyə hazır olurlar.

General bildirib ki, əməliyyat zamanı həbs olunanlar var. Hazırda onlar dindirilir. Narkotik maddələr Əfqanıstandan İrana, buradan isə qaçaqmalçılıq yolu ilə Avropa ölkələrinə daşınır. İran Avropa dövlətlərinə dəfələrlə müraciət edərək narkotik vasitələrin qaçaqmalçılığına qarşı mübarizədə yardım istəsə də, müsbət cavab almayıb.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.
Bölmənin digər xəbərləri