DÜNYA


İran polisi son altı ayda 11 ton narkotik maddə müsadirə edib

Tehran, 10 sentyabr, AZƏRTAC

Cari ilin ötən 6 ayı ərzində İranın Buşehr şəhərində 11 ton narkotik maddə ələ keçirilərək məhv edilib.

AZƏRTAC xəbər verir ki, bu barədə məlumat yayan şəhərin polis idarəsinin rəisi Ərəsten Türkməm Əfqanıstanda narkotik maddələrin istehsalının artdığını bildirib. Onun sözlərinə görə, qaçaqmalçılıq yolu ilə Əfqanıstandan İrana qanunsuz narkotik maddə keçirməyə çalışan 11 avtomobil sürücüsü həbs edilib. Avtomobillərə baxış zamanı külli miqdarda narkotik maddə tapılıb. Son altı ayda hər biri 5 və 7 nəfərdən ibarət olan 21 qrup zərərsizləşdirilib. Bir çox hallarda polis və sərhədçilərlə qaçaqmalçılar arasında silahlı toqquşma baş verib.

Polis rəisinin sözlərinə görə, ötən ilin 6 ayında 6 ton narkotik maddə müsadirə olunmuşdusa, cari ilin müvafiq dövründə bu rəqəm 11 tona yüksəlib. Qaçaqmalçılar İran ərazisindən tranzit kimi istifadə edərək narkotik maddələri Avropaya daşımağa cəhd göstərirlər.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.