DÜNYA


İran zənginləşdirilmiş uran ehtiyatını artırıb

Bakı, 14 avqust, AZƏRTAC 

İran zənginləşdirilmiş uran ehtiyatını artırıb. AZƏRTAC xəbər verir ki, bunu İran dövlət televiziyasına müsahibəsində bu ölkənin Atom Enerjisi Agentliyinin sözçüsü Bəhruz Kamalvəndi bildirib. Onun sözlərinə görə, İranda zənginləşdirilmiş uran ehtiyatı 370 kiloqrama çatdırılıb və bu rəqəm sürətlə artacaq. İran rəsmisi əlavə edib ki, ağır su ehtiyatını da 130 tondan yuxarıya çıxarmaq nəzərdə tutulur.

Qeyd olunub ki, BMT Təhlükəsizlik Şurasının 5 daimi üzvü ilə Tehran arasında 2015-ci ildə imzalanmış sazişin şərtlərinə görə, İran ən çox 300 kiloqram zənginləşdirilmiş uran ehtiyatına malik ola bilərdi. Sənəddə bu miqdardan artıq olan uranın beynəlxalq bazarda satılması və əvəzində təbii uran əldə edilməsi nəzərdə tutulurdu. Bundan başqa, sazişdə Tehranın ağır su ehtiyatını 130 tondan yuxarı çıxarmayacağı da qeyd olunub.

ABŞ hökumətinin 2018-ci ilin mayında bu sazişdən çıxdığını bəyan etməsindən və İrana qarşı sanksiyalar tətbiqindən sonra İran özünün nüvə proqramı üzrə öhdəliklərini tam şəkildə yerinə yetirməyəcəyini bəyan edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.
Bölmənin digər xəbərləri