DÜNYA


İranda 2 ton narkotik vasitə müsadirə edilib

Tehran, 10 yanvar, AZƏRTAC

İranın Sistan-Bəllucistan bölgəsindəki İranşəhər şəhərində polisin apardığı əməliyyat zamanı 2 ton narkotik vasitə müsadirə edilib.

AZƏRTAC bölgənin polis idarəsinin rəis müavini Əhməd Tahiriyə istinadla xəbər verir ki, əməliyyat zamanı bir sıra evlərdə və iaşə obyektlərində axtarışlar aparılıb.

Rəis müavini ötən gün bölgədə iki nəfər polis əməkdaşını qətlə yetirənlərin axtarışının davam etdiyini də bildirib.

Qeyd edək ki, İranın Sistan-Bəllucistan bölgəsi Əfqanıstan və Pakistan ilə sərhəddə yerləşir. Əfqanıstandakı ictimai-siyasi vəziyyətin sabit olmaması narkotik vasitələrin qaçaqmalçılığı ilə məşğul olanlara geniş imkan yaradıb. Qaçaqmalçılar narkotik vasitələri İran üzərindən Avropaya daşımağa çalışırlar. Bundan başqa terror qruplaşmaları da sərhədi keçərək müxtəlif təxribatlar törədə bilirlər. Bu səbəblərə görə İran polisi həmin bölgədə mütəmadi reydlər keçirir.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.