DÜNYA


İranda 2 ton qızıl toplayan “qızıl pul soltanı” saxlanılıb

Bakı, 4 iyul, AZƏRTAC

İranın hüquq mühafizə orqanları 2 ton qızıl toplayan “qızıl pul soltanı”nı saxlayıb.

AZƏRTAC IRIB telekanalına istinadla xəbər verir ki, bu barədə Tehran polisinin rəhbəri Hüseyn Rahimi bildirib.

Rahiminin sözlərinə görə, o, ötən il ərzində topladığı qızılları satarkən saxlanılıb.

Polis rəisi saxlanılan şəxsin adını söyləməsə də, 58 yaşlı “soltan”a qiymətindən asılı olmayaraq qızıl pulları almaqda kömək edən əlaltılarının olduğunu da qeyd edib. Onun qızıl bazarını idarə edərək ölkə iqtisadiyyatına zərər vurduğu bildirilir.

“Qızıl pul soltanı” ilə birgə üzərində 20 kiloqrama qədər qızıl olan daha iki nəfər də saxlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.