DÜNYA


İranda koronavirusdan ölənlərin sayı 40 mini ötüb

Tehran, 16 noyabr, AZƏRTAC

Son sutka ərzində İranda 13 min 53 nəfər koronavirusa yoluxub, 486 nəfər isə həyatını itirib.

AZƏRTAC xəbər verir ki, bu barədə məlumatı İran Səhiyyə Nazirliyinin mətbuat katibi Sima Səadət Lari gündəlik mətbuat konfransında verib.

Bununla da İranda virusa yoluxanların ümumi sayı 775 min 121, yoluxaraq ölənlərin sayı isə 41 min 979-a çatıb.

Xüsusi xəstəxanalarda müalicəsini davam etdirən 5 min 677 nəfərin vəziyyəti ağır olaraq qalır. Müalicəsi uğurla bitən 564 min 699 nəfər isə sağalaraq evə buraxılıb.

İranda virusun yenidən geniş şəkildə yayılması karantin rejiminin sərtləşməsinə səbəb olub. Prezident Həsən Ruhani bildirib ki, noyabrın 18-dən etibarən yeni plan həyata keçiriləcək. Plana əsasən şəhərlər arası avtobus, qatar və digər nəqliyyat marşrutları 2 həftə müddətinə qadağan ediləcək. Virusun yayılma tempi azalmasa qadağa davam edəcək. Bundan başqa polis küçələrdə maska rejiminə əməl edilməsini ciddi nəzarətdə saxlayacaq.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.