DÜNYA


İranda narkotik qaçaqmalçıları ilə silahlı atışmada üç polis əməkdaşı həlak olub

Tehran, 15 iyul, AZƏRTAC

İranın Kirman vilayətində narkotik vasitələrin qaçaqmalçıları ilə baş verən silahlı toqquşmada üç polis əməkdaşı həlak olub.

AZƏRTAC xəbər verir ki, bu barədə vilayətin polis idarəsinin rəisi general Əbdülrza Nəzəri məlumat verib.

O bildirib ki, operativ məlumata əsasən, qaçaqmalçıların külli miqdarda narkotik vasitəni İran ərazisinə keçirməsinin qarşısını almaq üçün əməliyyat tədbiri hazırlanıb. Əməliyyat zamanı qaçaqmalçılar silahdan istifadə edərək üç polis əməkdaşını qətlə yetiriblər. Lakin qaçaqmalçılar məhv ediliblər. Onların üzərinə və avtomobillərinə baxış zamanı “Kalaşnikov” markalı üç avtomat silah, saxta sənədlər və külli miqdarda narkotik vasitə aşkarlanaraq götürülüb.

Hazırda istintaq tədbirləri həyata keçirilir və qaçaqmalçılarla əməkdaşlıqda etmiş şəxslərin müəyyənləşdirilməsi istiqamətində araşdırmalar aparılır.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.