DÜNYA


İranda zəlzələ olub

Tehran, 21 oktyabr, AZƏRTAC

Bu gün səhər saatlarında İranın Kirman vilayətində 4,5 bal gücündə zəlzələ olub.

AZƏRTAC Tehran Universitetinin Seysmoloji Mərkəzinin açıqlamasına istinadla xəbər verir ki, zəlzələ yerli vaxtla saat 09:35-də yerin 10 kilometr dərinliyində baş verib.

Təcili olaraq zəlzələ zonasına xilasedici və təcili tibbi yardım qrupları göndərilib. Ölən və yaralanan, eləcə də dağıntılar barəsində hələlik məlumat yoxdur.

İranın bu vilayəti seysmik zonaya daxil olduğu üçün burada tez-tez zəlzələ qeydə alınır. Nəzərə çatdıraq cari ay ərzində Kirman vilayətində 3-cü dəfədir ki, güclü təkanlar hiss olunur. 2018-ci ildə isə burada baş verən zəlzələ nəticəsində böyük dağıntılar və insan tələfatı müşahidə olunub.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.