İranın neft ixracına yönələn sanksiyalar Koreya Respublikasının iqtisadiyyatına mənfi təsir göstərəcək

Bakı, 28 sentyabr, AZƏRTAC

İranın neft ixracına yönələn sanksiyaların Koreya Respublikasının iqtisadiyyatına mənfi təsirləri olacaq.

AZƏRTAC xarici KİV-lərə istinadla xəbər verir ki, bu barədə Koreya Respublikasının xarici işlər nazirinin müavini Yun Kang-Hyeo deyib.

“Ölkə iqtisadiyyatı neft idxalından asılıdır. İranın neft ixracına yönələn sanksiyalar Koreya Respublikasının iqtisadiyyatına mənfi təsir göstərəcək”, - deyə o bildirib.

Koreya Respublikasının Xarici İşlər Nazirliyinin məlumatına görə, Koreya Respublikası və ABŞ rəsmiləri İran neftinə qarşı sanksiyalarda bu ölkəyə güzəşt olunması üçün Nyu-Yorkda müzakirələr aparıb.

Qeyd edək ki, Koreya Respublikası iyun ayından indiyədək İrandan xam neft tədarükünü dayandırıb. Buna səbəb ABŞ noyabrından etibarən İrana qarşı tətbiq edəcəyi yeni sanksiyalardır.