CƏMİYYƏT


İranın turizm şirkətlərinin instaqram səhifələrində Bakı haqqında videoçarx yerləşdirilib VİDEO

Tehran, 26 yanvar AZƏRTAC

İranda fəaliyyət göstərən “Oai Travel”, “Safiran Tour” və “Qəsr Travel” turizm şirkətlərinin instaqram platformasında Bakı haqqında videoçarx yerləşdirilib.

AZƏRTAC xəbər verir ki, videoçarxda Bakı şəhəri ilə yanaşı, Azərbaycanın gəzməli və görməli yerləri əks olunub. Videoçarx izləyicilər tərəfindən maraqla qarşılanıb. “Qəsr Travel” şirkətinin instaqram səhifəsində yerləşdirilən videoçarxa yanvarın 12-dən bu günə kimi 4 mindən çox izləyici baxıb.

Diqqətə çatdıraq ki, İranın turizm şirkətləri qarşıdan gələn Novruz bayramı tətillərinə ciddi hazırlıq işləri görürlər. İran turistlərinin Bakıya səfərlərini təşkil etmək bu şirkətlər üçün prioritetdir. Bakının gözəlliyi və azərbaycanlıların qonaqpərvərliyi İran turistlərinin nəzərindən qaçmayıb. Odur ki, Bakıya səfər etmək istəyənlərin sayı artır.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.