İQTİSADİYYAT


İranlı nazir: İKT sahəsində İran ilə Azərbaycanın əməkdaşlığının inkişafı zəruridir

Tehran, 4 dekabr, AZƏRTAC

İran ilə Azərbaycan yaxın qonşu və dost dövlətlərdir. Digər sahələrdə olduğu kimi informasiya texnologiyaları sahəsində də iki dövlət arasındakı əlaqələrin inkişafı zəruridir.

AZƏRTAC xəbər verir ki, bu sözləri dekabrın 4-də İranın rabitə və informasiya texnologiyaları naziri Məhəmməd Cavad Azəri Çəhromi deyib. O bildirib ki, Azərbaycanın nəqliyyat, rabitə və yüksək texnologiyalar nazirinin dəvəti ilə “Bakutel-2018” Beynəlxalq Rabitə və Yüksək Texnologiyalar sərgisində iştirak etmək üçün Bakıya yola düşür. Hava limanında jurnalistlərə açıqlama verən nazir qeyd edib ki, İran bu sərgidə informasiya texnologiyaları sahəsində əldə etdiyi nailiyyətləri və istehsal etdiyi məhsulları nümayiş etdirəcək.

Nazir qeyd edib ki, səfər çərçivəsində azərbaycanlı həmkarı ilə görüşərək informasiya texnologiyaları sahəsində əməkdaşlıq əlaqələrinin perspektivlərini müzakirə edəcək. Bu gün yüksək texnologiyaların inkişafı kibercinayətkarlığın da yaranmasına səbəb olub. Bu kimi neqativ halların qarşısını almaq üçün birgə mübarizə lazımdır.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.