DÜNYA


İraqın Nəcəf vilayətində 20 ərzaq anbarında güclü yanğın baş verib

Tehran, 6 avqust, AZƏRTAC

İraqın Nəcəf vilayətindəki 20 ərzaq anbarında güclü yanğın baş verib.

AZƏRTAC xəbər verir ki, bu barədə İraqın Mülki Müdafiə Təşkilatının rəhbəri Əli Tovic məlumat verib.

O bildirib ki, bitişik ərzaq anbarlarının birində baş verən yanğın qısa vaxtda digərlərinə də yayılıb. Yanğın zamanı anbarlarda xeyli sayda işçi olub. Hələlik insan tələfatı haqqında məlumat verilməyib.

İraqın “Əl-Malum” saytı bildirib ki, yanğın nəticəsində Nəcəf vilayətinin ərzaq ehtiyatı tamamilə məhv olub. Bu da vilayətdə ərzaq qıtlığı yarada bilər.

Yanğınsöndürənlərin səylərinə baxmayaraq, yanğını hələ də söndürmək mümkün olmayıb.

İlkin olaraq yanğının qısaqapanma nəticəsində baş verdiyi ehtimal edilir. Lakin bəzi mətbuat orqanları terror aksiyasını da istisna etmirlər.

Hadisə ilə bağlı təhqiqat aparılır.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.