CƏMİYYƏT


“İrəli” İctimai Birliyi “Heydər Əliyev və Azərbaycan gəncliyi” mövzusunda inşa müsabiqəsi elan edib

Bakı, 7 may, AZƏRTAC

“İrəli” İctimai Birliyi ümummilli lider Heydər Əliyevin anadan olmasının 98-ci ildönümü münasibətilə Azərbaycan Gənclər Fondunun dəstəyi ilə “Heydər Əliyev və Azərbaycan gəncliyi” mövzusunda gənclər arasında inşa müsabiqəsi elan edir.

İctimai Birlikdən AZƏRTAC-a bildiriblər ki, müsabiqədə 16-29 yaşlı gənclər iştirak edə bilərlər. Müsabiqə üçün inşalar mayın 9-dan 19-dək saat 18:00-dək [email protected] elektron ünvanına göndərilməlidir.

İnşalar media ekspertlərindən ibarət münsiflər heyəti tərəfindən qiymətləndiriləcək. Müsabiqəyə hər bir şəxs yalnız bir yazı təqdim edə bilər. Ən yüksək bal toplayan üç müəllif mükafatlandırılacaq. İlk on yeri tutacaq müəlliflərin yazılarının müxtəlif mətbuat orqanlarında dərc edilməsinə şərait yaradılacaq. Qaliblərin adları mayın 25-dək açıqlanacaq.

Müsabiqə ilə bağlı ətraflı məlumatı “İrəli” İctimai Birliyinin rəsmi saytından öyrənmək olar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.