CƏMİYYƏT


“İrəli” İctimai Birliyi təcrübə proqramına start verir

Bakı, 14 sentyabr, AZƏRTAC

“İrəli” İctimai Birliyi gənclərin bilik və bacarıqlarının artırılmasına, onların şəxsi inkişafına dəstək məqsədilə yenidən təcrübə proqramı elan edir.

İctimai Birlikdən AZƏRTAC-a bildirilib ki, proqramda iştirak etmək istəyən gənclər qurumun “İnsan resursları”, “Mətbuat katibliyi”, “İrəli” Media Mərkəzi, “Beynəlxalq əlaqələr katibliyi”, “Layihələrlə iş üzrə katiblik” istiqamətləri üzrə müraciət edə bilərlər. Təcrübə proqramına gənclərin seçim prosesi müraciətlərin qəbulu və onlayn müsahibə üzrə iki mərhələdə aparılacaq. Mövcud pandemiya vəziyyəti ilə əlaqədar gənclər əsasən sərbəst və məsafədən iş prinsiplərində fəaliyyət göstərəcəklər.

Üç ay davam edəcək təcrübə müddətini uğurla başa vuracaq gənclər şəhadətnamə ilə təltif olunacaqlar. Təcrübə proqramına 17-25 yaşlarında təşəbbüskar, məsuliyyətli, komanda ilə işləmə bacarığına sahib olan gənclər qatıla bilərlər.

Qeyd edək ki, təcrübə proqramı ödənişsiz əsaslarla həyata keçirilir. Ərizələr sentyabrın 20-də saat 12:00-dək qəbul ediləcək. Qeydiyyat və ətraflı məlumat üçün http://ireli.az/tecrubeqazan/ keçidindən istifadə etmək lazımdır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.