DÜNYA


İrəvandakı ticarət mərkəzinin dağıntıları altından yeddinci cəsəd çıxarılıb

Bakı, 15 avqust, AZƏRTAC

İrəvandakı “Surmalu” topdansatış ticarət mərkəzində baş vermiş partlayış nəticəsində ölənlərin sayı yeddi nəfərə çatıb.

AZƏRTAC xəbər verir ki, bu barədə məlumatı Ermənistan Fövqəladə Hallar Nazirliyinin mətbuat katibi Ayk Kostanyan açıqlayıb.

“Xilasedicilər dağıntılar altından indicə daha bir cəsəd çıxarıblar. Bu məqama qədər ölənlərin sayı yeddi nəfərə çatıb. Axtarış-xilasetmə əməliyyatları davam etdirilir”, - Kostanyan sosial şəbəkədə belə yazıb.

FHN-dən bildiriblər ki, itkin düşənlərin sayı 21 nəfərə yüksəlib. Onların arasında beş İran vətəndaşı və Rusiya vətəndaşı olan bir qadın da var. Son məlumata görə, topdansatış üzrə ixtisaslaşmış “Surmalu” ticarət mərkəzində bazar günü baş vermiş partlayış və yanğın nəticəsində 61 nəfər xəsarət alıb.

Yanğını yalnız bazar ertəsi günü səhərə yaxın lokallaşdırmaq mümkün olub. Ermənistan prokurorluğunun xüsusilə ağır cinayətlər üzrə istintaq idarəsi hadisə ilə bağlı cinayət işi açıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.