ELM VƏ TƏHSİL


İş yerində təcrübəyə əsaslanan proqram çərçivəsində təlimlərə start verilib

Bakı, 22 yanvar, AZƏRTAC 

Texnika və Texnologiyalar üzrə Bakı Dövlət Peşə Təhsil Mərkəzinin “Quru inşaat ustası” ixtisas qrupunda iş yerində təcrübəyə əsaslanan proqram çərçivəsində təlimlərə start verilib.

Peşə Təhsili üzrə Dövlət Agentliyindən AZƏRTAC-a bildirilib ki, beynəlxalq resurs mərkəzi kimi fəaliyyət göstərən “Knauf” şirkətinin əməkdaşları tərəfindən təşkil olunan təlim zamanı tələbələrə müasir tikinti normaları, onların nəzəri və praktik şəkildə tətbiqi, inşaat materialları, tikintidə standartlar barədə ətraflı məlumat verilib.

Eyni zamanda, tələbələr bu həftədən etibarən şirkət tərəfindən müxtəlif iş yerlərində ustad dərslərində iştirak edəcəklər. Təlimləri uğurla başa vuran və ustad dərslərində fəal iştirak edən tələbələrə sertifikat veriləcək və onlar işlə təmin olunacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.